Edición xeral
O BNG escollerá o seu candidato na primeira asemblea de delegados da súa historia
Así o confirmou co 86% dos votos o Consello Nacional da organización. Polo seu lado, o Movemento pola Base reafirmou a súa decisión de abandonar a Asemblea Nacional.
Militantes do BNG no Día da Patria deste ano
O BNG vai escoller o seu vindeiro candidato á presidencia da Xunta de Galiza nunha asemblea de compromisarios, isto é, delegados escollidos, á súa vez, polas asembleas comarcais. Isto foi o que se acordou na xuntanza do Consello Nacional, desenvolvida este sábado en Compostela, co 86 por cento dos votos dos seus membros.
O nome do candidato nacionalista á presidencia de Galiza coñecerase o vindeiro 5 de outubro, en Asemblea Extraordinaria, na que só han votar os delegados, cuxo número se ampliará dos 1.200 que teñen agora dereito a emitir o seu voto, até os 1.500, "por demanda das bases nos debates comarcais".
Así o explicou o coordinador executivo da formación nacionalista, Francisco Jorquera, quen amosou a súa satisfacción polo "alto grao de apoio" a esta proposta que modifica o modelo de votación da militancia. Neste sentido, e ante as críticas da "pouca democracia" que podería supoñer este cambio, Jorquera saíu ao paso, asegurando que "as bases" das Asembleas Comarcais "están extraordinariamente de acordo con esta proposta que se lles formulou".
O MpB abandona a Asemblea ante a "menor participación da militancia"
Os votos en contra desta proposta chegaron dos partidarios de Camilo Nogueira, do Encontro Irmandiño e do Movemento pola Base (MpB).
De feito, esta última organización do seo do BNG (que conseguiu perto do 10 por cento dos votos na última Asemblea Nacional, e leva tempo traballando en base ao principio de "un/ha militante, un voto") non vai acudir á Asemblea Extraordinaria do 5 de outubro, ao entender que esta mudanza na eleccións de candidatos "mata a militancia individual en favor da colectiva". Para Miguel Anxo Abraira, do MpB, este cambio de regulamento supón "unha fractura moi importante" na que a base de militantes é quen perde. Abraira tamén sinalou que este novo modelo atenta contra o "espírito do BNG" e fai que se vaia convertendo, aos poucos, nun partido político, cando en realidade é "unha fronte". O membro do MpB tamén revelou que algúns militantes históricos do Bloque "e con recoñecemento social" están pensando en abandonar a formación, mais non citou nome ningún.
Co abandono do MpB confírmase a posibilidade, da que xa se tiña falado a pasada semana, de que os sectores críticos do Bloque non participasen no proceso asembleario, se non se abría a toda a militancia. Aínda falta que se pronuncien representantes doutra corrente crítica, a do Encontro Irmandiño, que tamén considera que o proceso de voto non oferece "garantías democráticas".
Os obxectivos do BNG
Na conferencia de prensa, posterior á xuntanza do Consello, Francisco Jorquera destacou que o BNG ten claros os seus obxectivos e que considera que se están a dar "as circunstancias para que se incrementen de xeito significativo os votos e os deputados" nas vindeiras eleccións.
Ademais, Jorquera revelou algunhas das propostas que o Bloque ha levar no seu programa de goberno, como a reforma da Leis de Caixas da aforros (para que estas entidades teñan unha vinculación máis directa co país), a creación dun Ente Xestor Ferroviario propio, a consecución de competencias para Galiza e a reforma do Estatuto.
Novas relacionadas
- Os sectores críticos do BNG non acudirán á Asemblea Nacional de outubro
- O Consello Nacional do BNG defende que a elección de candidato será "plenamente participativa"
- Pola Base oponse a que o BNG escolla o candidato á Xunta nunha asemblea de delegados
- O Encontro Irmandiño demanda unha asemblea aberta para elixir o candidato do BNG
Comentarios (46)
O primeiro paso para a escisión está dado, pero aposto a que o bloque non quererá cambiar nunca de nome, igual que o PSOE, a pesar de recoñecerse socialdemócrata e non obreiro como nun principio. Seguirá sendo Benegá ata que de tanto dicir beneguistas, consideremos a un tal Benegas o seu fundador e a Beiras un que, honor o seu nome, era marxinal na fronte. Isto é tan grave que é de comezar a xurar votos, pero estou impaciente por ver que din os pre-escindidos a isto, pois moitas veces a falta de empuxe leva a que toda esa protesta se quede en nada.
Está claro, o BNG ten que romper, non vaia se que se faga moi grande e todo iso...
Os meus parabéns ao Movemento pola Base!!! A deriva quintanista do BNG non leva a nada, só a recoller os votos dos vellos, e a mocidade que anova o país que?
O BNG pode ir adiante só igual que vai hoje como um partidinho autonomista burgues.As correntes soberanistas debem unirse para crear um novo frente soberanista e socialista que seja quem de reclamar os nossos dereitos como povo e reivindicar o que perseguimos como trabalhadores e trabalhadoras galeg@s.
saudos
E as correntes soberanistas e socialistas de fora do BNG tambem se debem unir PCPG,CV,Nos-Up,FPG..
Pois non sei eu...por que nos escandalizamos tanto? Isto foi sempre así. Cando un partido político ou unha fronte toca poder muda a súa faciana. Normalmente para pior. A deriva do BNG non ven de hoxe. Dende que tocaron un chisquiño de poder convertéronse en pequeno burgueses. Agora, diron un paso máis para pretender seren a nova burguesía. A deriva do noso Quin rematará cando quen o puxo aí se canse del ou vexa que está a coller moito protagonismo e se lle vaia das mans. ¡ao tempo! Ou...alguén é tan iluso coma para crer que Quintana está onde está por elección democrática? Cousas veredes.
O drama deste país é enorme. O BNG anda na enésima crise, por un lado os maximalistas (independencia e comunismo) e por outro os mega-moderados (autonomismo e non se sabe qué). Sigo sen comprender por que non hai espazo para unha forza de esquerdas (pero non me veñan a estas alturas con leninismos) e verdadeiramente soberanista (lonxe dese quintanismo que non sabe se somos nación ou ración). Non hai unha vía intermedia entre uns e outros que aglutine a unha gran maioría?
A pouca xente lle preocupan estas "crises". Neste momento histórico os galegos precisamos unha organización nacionalista que vaia tendo poder institucional, montando partidos da selección galega e mostrandolle a xente que o nacionalismo pode gobernar e facelo ben. O demáis son contos chinos que non nos interesan e nos dan igual a maioria da cidadania.
Amigos rapazolos, as ideoloxías son cortinas de fume. Todo o mundo sabe que hoxe non é posible máis que avances cara a federación española, sexa cal sexa o obxectivo último que se poña. Non vexo importantes as diferenzas ideolóxicas, mais si a maneira de coordinar un partido frontista ou non. Eu anuncio o meu voto: votarei a aquel partido galego que sexa aberto e demócrata, que aspire ao estado de benestar e á federación española con máis competencias na política económica, educativa e cultural para as nacionalidades históricas. Isto pode ser un primeiro paso para calquera independentista e comunista. Pero correspóndeme a min como cidadán valorar quen me promete absurdos e quen se pasa de pragmático para non prometerme nada máis que involución, iso si, que coloque aos seus (novos ou vellos, éme igual).
#8 Atlántico, alegraríame de que a poucos lle importasen as crises ideolóxicas, pero entristéceme moito pensar que a falta de democracia dentro dun partido non lle importe a case ningún dos seus votantes. Naturalmente a solución pode ser seguir votándoo, pero un pouco de crítica, por favor.
Perdón, cando dixen: Ou...alguén é tan iluso coma para crer que Quintana está onde está por elección democrática? Refírome somentes dentro do seo do BNG. Quero que isto quede claro. Non me estaba a referir ao posto que ocupa como Vicepresidente da Xunta. Aí puxo o pobo galego cos seus votos. Correxido queda por se alguén o interpretou mal. Grazas.
A ver, a ver: O BLOQUE XA NON ERA UN PARTIDO ASAMBLEARIO.
Para que o fose o primeiro paso sería a disolución da UPG, do Encontro Irmandinho, do MPB, do PNG-PG...
Entón, E SÓ ENTÓN, podería falarse dun partido asambleario; e todo o que estades a comentare, con perdón, é pura e simple demagoxia.
Parece que os que aquí falades desexades a desaparición do actual Bloque; pois moi ben así xa solo quedarán o PSOE e mailo PP. POrque en Galiza non hai ningún partido serio mais.
Saúde
Non, o Bloque nunca foi definido como un partido, nin polo seu funcionamento (asambleario), nin pola súa estructura (militantes independentes + partidos e colectivos organizados).
Daí o éxito da fórmula que deu os 18 deputados no 97, antes de que a UPG se empeñara nunha refundación, que si conduce a un modelo de partido tradicional co seu secretario xeral, comité executivo, congreso de delegados,... A partir de aí, comeza a decadencia. Nestas últimas eleccións xerais pérdense 100.000 votos a respecto as do 2000 e do 2004.
A maioria dirixente, actualmente aglutinada nun aparato burocrático, sen contornas ideolóxicas aínda por definir, conducen ao Bloque a un terreo, no que se convirte en moeda de cambio para gobernar co PSOE, sempre en posición subordinada.
Sin militancia activa (se lle marxina) e sen o apoio mediático e económico con que contan os partidos do sistema, ten unha disxuntiva: ou seguir o seu camiño ou virar e voltar ás bases fundacionais do 86, fórmula que permitiu o "sorpaso" que mencionaba máis arriba. De momento, só se ve o primeiro camiño, o do "cartel party", como lle chama Bautista Álvarez, presidente da UPG no exilio.
O mellor que lle pode pasar ao bloque é que a UPG vaia ao contedor de lixo. Porque é a UPG quen decide e non deixan que o grande Camilo, os de Esquerda Nacionalista ou xente moi valiosa do PG-PNG. É unha mágoa que este partido en moitas ocasión sega a antepor a "ideoloxía" case marxista e "progre" por diante do país. Galiza é o primeiro, e o benestar dos ciudadáns vai con iso. O de actuar de bonecos do PSOE non debe nin pode ser a finalidade.
Xa non falo da mestura soviético-independentista de Primeira Linha que son 10 e que non teñen collóns para presentarse ás eleccións, ou á unión de todos eles (NÓS-UP) que se creen batasunos de segunda
Óense cousas i non se sabe de onde veñen. Uns di que o BNG é o gran partido ou bloque que non se pode romper. Un BNG que non fai autocrítica perdendo diputados no Parlamento galego, en Europa (aliándose coa dereita) i case perde un parlametneario en Madrid, ademais de todos os votos perdidos en cidades como Vigo pois invita á rectificación i non a aceleración dun proceso que choca co embrionario do BNG. Tampoco se pode vivir do 1982 pero si o BNG chegou a ter os 18+1 diputados foi por algo. Recordar que o BNG está no goberno non porque aumentasen iles os votos (que baixaron) senón pola subida do PSOE. Pero o poder limpa os malos resultados.
Máis cousas. O BNG non é de esquerdas: rede caciquil en vicepresidencia (galescolas, xeriátricos... postos de traballo dados a dedo e demostrable), SEAGA para Medio Rural, plan eólico para Industria, cidade da cultura de capital privado, escurantismo nas contas das consellerías, reganosa, plan acuícola, administración viciada sin visos de intervención... para algús non é de esquerdas pois apostamos pola hixiene na administración, o fin do caciquismo e dos postos a dedo, unha industria racional galega, un marco de relaciós laborais propio, un urbanismo que execute as ordes dos tribunais, un proxecto de cutlura galega para o pobo...
Pero o BNG tamén perde polo nacionalismo: aceptación do estatuto como fin, aceptación do federalismo, aceptación da constitución española como carta da soberanía popular (esquecendo que os nacionalsitas só respodemos ante a soberanía popular galega, non a española), perda da loita autodeterminista, confusión na análisis cando se despraza a Galicia e se pon a España, olvido da vertebración da nación en comunicaciós, transporte...
Algús teremos direito a dfender estas ideas, ¿non? ¿Ou só se pode ser nacionalista si es do BNG?
Si un grupo de militantes opinan que o BNG perde esquerda e nacionalismo teñen todo o direito. Ser militante do BNG ofrece direito á crítica. Á UPG non lle gusta, xa o sabemos algús desde hai moito tempo. Si ise grupo amenaza con marcharse, ten todo o direito. A culpa do mal BNG non é deles. A culpa das súas críticas, moi lexítimas, é da dirección como esta dirá que é culpa dos 'demagóxicos' (como dixo Jorquera) Si iles non aceptan ise modelo terán direito a marchar i ninguén os pode acusar de nada porque iles son fieis ós seus principios. ¿Militar no BNG é vitalicio como o plus dos altos cargos?
É chocallada iso de que grazas ó BNG temos partidos da selección galega. ¡Viva o patriotismo do BNG! Preferiría que non fosen cómplices de Reganosa. Algús mirades o barniz i olvidades que o importante é a política de esquerda real. Bailemos cos vellos nas concentracións inventadas por Manuel Fraga, aquel bicho que todos odiaban i atacaban por ises bailes tan caciques, os mesmos que Quitnana. (aparte doutras cousas de Fraga, claro)
Apoio certamente ós valentes militatnes do BNG que se enfrentan á dirección. É duro para o militante que leva desde 1982 levanntado un proxecto para Galicia i a clase obreira para verse nesta situación. Será duro como nos foi a moitos.
Quintana e a UPG son aliados pero non amigos. Que quede claro. A UPG ten interese de eliminar os críticos que poderían facer de forza de presión de Quintana en determinada situación, cousa que sei se falou algunha vez. A UPG pensa en todo, que non son tontos.
Si marchasen militantes honestos do BNG habería que armar unha alternativa pero esta tampouco vai ser lugar para pirados, fillos de papá xogando a revolucionarios ou mentes proféticas. as cousas teñen que ser serias non un circo de catro majados.Fóra do BNG só a FPG representa un partido honesto, de clase obreira i de cadros políticos i sindicais contrastadso. Serán poucos pero teñen unha política honrada demostrada i a cabeza amueblada nas súas ideas inda que estas poidan ser criticables por outros.
Por certo, algús tamén din iso de: non saben perder i aceptar o regulamento de delegados. Si saben perder, claro que saben pero tamén terá direito a decidir si ese método os exclúe poder marchar doBNG. Algún coronel ou aprendiz deste non deixa de esconder as súas tácticas excluíntes (como aumentar o número de delegados dificultando máis a presencia dso críticos pois aumentan a porcentaxe para presetnarse).
Ánimo ós militantes honestos do BNG. Non se pode traballar para o quintanismo i a UPG. No BNG non hai sitio porque só se ordea calar i cumplir. Así, delegados mandarán.
#13 o único motivo polo que o bloque foi a segunda forza no 97 e no 2001 foi simplemente pola grande crise que sufrira o PSOE en todo o Estado.
Calquera persoa un pouco obxectiva e consciente de que o bloque nunca tivo uns resultados tan bos como agora mesmo.
Lle pese q quen lle pese o 80% da sociedade galega pensaba que Beiras era un tolo.
Se fose Quintana o artífice da coalición nas Europeias co PNV e con CIU, qué diríades del??Hai non iso decidiuno o voso Bloque pseudoasambleario...
Com a última modificaçom proposta pola UPG na maioría das comarcas (essa é a pressunta "demanda das bases") haverá 1500 delegados.
Isto significa que nas comarcas grandes, será precisso juntar entre 40 e 50 pessoas como mínimo para apresentar umha lista e optar a participar na AN. Algo complicado para as correntes críticas, mas sobretodo para a militáncia independente que ou bem terá que tragar com integrar-se (se lho proponhem) nalgumha das listas dos colectivos organizados e afins ou simplesmente renunciar a que a sua voz seja escuitade diante do resto de companheiros/as.
Ghasús diormío.
mnawe, calquera antropólogo estaría encantado con este testemuño da deriva do electorado do bloque. Como saberás, Beiras tivo algunhas crises nerviosas que foron diagnosticadas e tratadas no seu momento. Normalmente quen máis acusa a outros de tolemia é quen máis sofre dos nervios, é un feito sicolóxico. É triste, pero o 80 % da sociedade galega debe estar tola. Tranquilo, é probable que nalgunha outra autonomía incluso nos superen.
#17 Non nego que ese aumento de 1200 a 1500 pode facer máis difícil presentar listas alternativas mais non foi a UPG quen propuxo esa modificación. Esta débese a unha emenda aprobada no Morrazo a partir dun militante que non é da UPG. O seu único obxectivo foi axustar o número de delegados/as ao número de afiliados. Máis ou menos correspóndese cun 25% da militancia. Daquela, esa presunta demanda das bases é tal (home, eu andaba por alí). Tampouco hai que ver fantasmas en todo.
#18 sozinho, dúas simples preguntas:
1.De verdade ti ou algunha persoa deste foro pode realmente crer que a crise estatal do PSOE non beneficiou eleitoralmente o BNG???
2. De verdade ti ou algunha persoa deste foro pode negar que a xente que non votaba a Beiras(salvo Méndez Ferrín) sentía un total rechazo por él???
#20, dúas simples respostas -que o sozinho desculpe a invasión-:
1. Por suposto que a crise e o descrédito do PSOE tiveron moito que ver con aqueles resultados electorais. Mais habería que analizar porqué non se puido reter a prácticamente ningún deses votantes. E porqué as novas fornadas e os tradicionais sectores de esquerda que confiaban no BNG están a darlle a espalda agora.
2. Que importa que sectores que nunca van botar BNG por moitos que vos endociledes detestasen a Beiras? Porque os vellos que lle van ás romeiras a Quintana (prostitución máxima) tampouco lle van a votar ao Bloque. Non ten poder suficiente, e iso é algo que non ides conseguir nen sequera coa renuncia a todo, esquerda e nacionalismo, que xa levou a cabo a cúpula dirixente, panda de trepas e canallas sen escrúpulos e máis preocupación que a poltrona e colocar aos amigos. Pero estanos ben para os parvos que nos críamos o discurso do Bloque (e dentro, o único que o debía de crer era Beiras).
Para mnawe:
1º/ Pode ser que moita xente neste país (colonizado) pensase que Beiras era un tolo, o problema ven cando ese virus se inocula nalgunhas mentes, que profesaban que se consideran a si mesmas nacionalistas. Os baixos instintos "populares" corren como a pólvora, e como non hai xentes de bioloxía marciana inmune a ese mal, acaban atacadas. Esa é a traxedia. Direicho máis claro: un Beiras é un luxo. En calquer país do mundo, e excluio as republicas bananeiras, daríanse cun croio nos dentes para ter un líder desa altura. En Galiza non, isto é un "sitio distinto". Hai hipócritas que necesitan cadáveres, pero o drama (para eles) é que Beiras segue vivo. Que magoa non lle poden ir poñer flores como a Castelao ou Rosalía. Goste ou non goste, hoxe por hoxe, con Quin ou sen Quin, Beiras é a icona do Bloque, e a movida que se montou para quitalo do medio, só é entendible en termos de "complexo do colonizado".
2º/ Indubidabelmente os resultados para o BNG no 97 tiveron que ver coa situación do PSOE (por certo, actualmente tamén vai en declive), pero sobre todo se debeu a formula máxica de Riazor: consenso + consenso + consenso.
Para caloiro:
A proposta dos 1500 non partiu só do Morrazo. Estás enganado. En varias comarcas foi presentada tamén como suxestión. Non foi unha iniciativa persoal, senon do partido que todo o quere controlar sen dar a cara. Que ti xa sabes quen é. Non, é certo. Entéirate ben, non sexas militonto; non te fíes das apariencias.
Estou de acordo cos dous últimos, pero ademais bainha foi brillante. Nada que engadir.
Un só apuntamento: meus pais son do PP e respetaban a Beiras, ao igual que acontece en moita xente da dereita. En troques de Quin, coidan que é un carallán vendido ao PSOE sen principios. Por algo será, así que o rexeitamento non era tal e moito menos nos sectores de esquerda e nacionalistas que vibramos tanto tempo cos discursos de Beiras (o da tolemia paréceme ofensivo) e en cambio prodúcenme indiferenza os de Quin que non sabe nin falar, como no Día da Pátria dicir "parlamento galleg...galego". Hai categorías aínda.
Teño para min que na Galiza sempre se prescindiu dos mellores políticos. Coma se foramos sobrados diles. ¿Qué maldición caiu sobre ista Nación? Dame mágoa escoitar a alguén que fala da selección galega de fútebol. Si, disa pachanga; en termos deportivos; que se monta polo Nadal. ¡Que poucas luces! Eu crerei na selección galega de fútebol cando poida competir oficialmente a nivel mundial. Coma ocorre no Reino Unido, onde Escocia compite, País da Gales compite, etc. Será…qué a Sra. Conselleira de cultura e deportes ten que xustificar o seu soldo? Antes que Galiza; a pachanga; xa montou, incluso, a españolista Andalucía. Sei que iste non é o sitio adecuado para falar disto, pero arrepíame que alguén utilice ista barbaridade para xustificar o inxustificábel.
Por outra banda, xa temos outro PSOE na Galiza . ¡Cuspidiño! Ao PSOE, sobranlle siglas e ao BNG xa non sabemos se lle sobran ou se lle faltan. Simplesmentes que o Sr. Quintana; o único que ten de galego; é que non sabemos se vai ou se ven. Boeno si que algo sabemos, vai cos da feira e ven cos do mercado. Ousexa que é un “quedabéns”. Latricar latrica como o seu nome o indica; coma os anxos, pero logo non deixa de seren unha sucursal do PSOE. Xao dixen noutras ocasións; o BNG corre o risco de seren fagocitado polo PSOE. A cidadanía xa tanto lle ten votar a un coma outro. ¿Cal é a diderenza agora? Quizabes haxa algo de positivo en todo isto, que os votantes o boten a sortes é ista caia do lado do BNG. Estimado Quin, ti eres indiferente para a meirande maoría dos galegos. Sinto, pero non deixas de seres un mediocre. Un chisco de autocrítica é demagóxia como apunta alguén? Pois ala a montar máis SEAGAS, por exemplo... ¡País!
O de autocrítica non será o que lle facía falla a Beiras cando culpou os galegos da baixada de 18 a 17 escanos nas derradeiras eleccións nas que foi candidato? Non dubido de que Beiras é un político brillante como o é Camilo, pero hoxe por hoxe están a facer bastante dano ao BNG por puro interese persoal (manter poder na dirección).
Cómo está a cousa!
Sinto ben o que lle acontece ao BNG, se é que o sangue chega ao río porque, en caso contrario, estamos onde estivo sempre ese grupo: arrexuntado co cemento de quer poder ou agora, de disfrutalo merecidamente.
Estas loitas e desencontros de capelas e capeliñas son sabidas. O definitivamente novidoso é que agora hai poder e cartos, moitos cartos, e un grupo amplo de colegas e familiares e afíns e xentes do grupo de poder (Quintana e UPG) que disfrutan de todo.
Tamén haberá que meditar sobre o escaso peso eleitoral do nacionalismo galego: será que os nacionalistas galegos inventaron un País que pouco ten que ver coa realidade, un país que non fala o seu idioma, que desfai a paisaxe e contamina ríos e rías sen se imutar?
Naturalmente, sen os nacionalistas algunha cousa iría aínda pior (cultura, idioma) pero tras comprobar en Poio que en urbanismo o BNG é tan malo coma o PP, mellor pensar dúas veces a quén votamos. Por certo, o "inspirador" do Plano Urbanístico do Concello de Poio, que goberna o sobrado de Sobral, foi... o marido de Pilar Rojo!!
A realidade é que a proposta de que as asembleas nacionais do BNG fosen por delegados foi aprovada pola última Asemblea, é dicir pola militancia, non querer acatar isto é como dicir que a militancia so ten a razón cando coincide coa nosa. Tanto o encontro irmandiño como o movimento pola base, saben que o Consello Nacional so fixo o que a militancia decidiu na última asemblea e non acatar isto supón porse por enriba das decisións da propia militancia que de xeito soberan decidiu que as novas asembleas foxen por delegados.
Beiras foi un home moi importante no BNG e no nacionalismo galego, pero a súa decisión de non apoiar o BNG cando deixou de se-lo candidato restanlle calquer tipo de credibilidade. El foi candidto co apoio da fronte, Quintana foi e é candidato sen o apoio de Beiras e ainda así os resultados acadados polo BNG dende que Quintana é o candidato non foron tan malos, quizais co seu apoio fosen mellores.
O BNG ten no seu seo diferentes sensibilidades, nesto non se diferencia dos outros partidos, ata agora sempre se acadaron consensos entre as diferentes sensibilidades para seguir medrando, se hai personalismos que impiden acadar consensos, entón sobran os personalismos por moito nome que teñan.
Nom é minha a eira, malhe nela quem queira.
Para Roquinho:
1º/ A aprobación do sistema de delegados, foi de 58% a favor contra o 42% polo sistema asembleario. É un resultado axustado ao regulamento de toma de decisións internas, pero non cabe na cabeza de ningunha persoa sensata que un 58% por moita razón que teñan (ou crean ter) poda impedir que 4 de cada 5 militantes se teña que quedar na casa mentres unha minoría decide polo resto, insisto unha gran maioría. Dese 58% moitos votaron a favor dos delegados porque ía no mesmo pacote de apoio ao BNG no goberno, e interpretaban que votar doutra maneira podería supoñer un desplante aos compañeiros que están en cargos de xestión.
2º/ Que Beiras non apoiara ao BNG esas son faladurías interesadas. A discrepancia non só é legal dentro do bloque, senon que é NECESARIA. Unha organización que se prantexe a transformación da realidade, e non a mera xestión para manterse o poder a toda costa, precisa o debate e a crítica, que non pode vir da Voz de Galicia ou de El País, senon que ten que xurdir da propia organización, da base militante, que é a que decide a última hora, e o seu entorno social de simpatizantes, etc. Unha organización pechada, como se pretende agora, leva o signo da morte na fronte. O BNG perde pé nos movementos sociais (colectivos afectados polo plan acuícola, mineiría no Courel,...) e nos sindicatos nacionalistas (ao do Sindicato Labrego Galego se lle fai a guerra sen cuartel desde a Consellería de Medio Rural día si e día tamén).
Se hai alguén no BNG que se esforza para evitar o alonxamento do movemento social real, non se pode interpretar como deslealtade, senon todo o contrario, son de valorar positivamente e admirar.
3º/ O BNG con Quin si baixa (outra cousa sería unha análese pormenorizada das causas). Nas últimas xerais perde 100.000 votos en relación ás do 2001. É dicir 1 de cada 3 votantes perdidos. Iso tería que facer reflexionar, pero non, todo se encobre con propaganda e máis propaganda. O análese, o debate parece que xa non están na orde do día, ata tal ponto que o BNG xa non fai valoracións dos resultados electorais en clave política, senon que a militancia se lles suministran os mesmos contidos que se dan nas roldas de imprensa; o militante de base vaise enterando polos medios de comunicación. Só un dato: nas últimas eleccións europeas Quin non compareceu a noite das votacións. Nunca pasou que un dirixente metese a cabeza no burato, mesmo nos tempos máis duros do nacionalismo.
4º/ No BNG existen sensibilidades efectivamente. Algunhas con todos os dereitos e outras coas que non se conta para nada, e o que é pior, son sensibilidades minoritarias a fumigar, por que? pois porque non aceitan entrar polo aro, como Beiras, por exemplo, que rexeitou o ofrecemento de Quin de presidir o Consello Económico e Social cun quilo ao mes e coche oficial.
Coindido con bainha. Pero quero engadir algo. Agora, que se está a falar moito de Beiras; non vou a seren eu quén o defenda; ele chégase e bástase por si só. Pero até o de agora foi o único político nacionalista que ollei nas manifestacións na contra da barbaridade da planta de Reganosa na ría do Ferrol. Onde se agochaban namentras o Sr. Quintana, o Sr. Paco Rodríguez, o Sr. Paco Jorquera e moitos máis? A pergunta queda no ar…por se alguén a pode ou a quere respostar. É moi doado falar co peto cheo cos nosos cartos, pluses e sobresoldos incluidos.¿Non si?
Non sei até onde pode chegar a politica do BNG.Certo é que somos moitos os que traballamos para que chegara onde está, como tamén o é que se estan a dar casos cando menos o parece, de enchufismo, e de apoiar medios de comunicación cos cartos de todos.
Como moitos outros, eu non podo estar de acordo con este tipo de política que se aproxima cada vez máis aos metodos criticados dos Gobernos de Fraga.
Non se pode utilizar así as persoas que loitamos nos tempos duros e nos menos duros, non hai tanto tempo que pegaba cartaces polas paredes do meu pobo, e agora vexo como os cartos,(ao fin os cartos deberan estar repartidos entre todos os galegos),os cartos van a parar a todo tipo de asociacións e incluso entidades privadas,(as cales, respetando o que fan, son dirixidas por nacionalistas de novo cuño),nacionalistas pouco comprometidos que ostentan cargos institucionais, que en moitos dos casos fan perder representación ao BNG.
Pode que se diga que son un cabreado, que o son,ou que non estou de acordo por non estar dentro do Novo Sistema Nacionalista, que non estou, pero non deixo de ver o que pasa e o sinto tanto ou máis que calquera, como se perden votos sobre todo nas vilas e cidades por poñer un cartel "bonito" para o BNG, máis pouco político e descoñecido para os votantes.Claro que agora o que conta e tirar de votos de onde seña e a costa do que seña, deixando polo camiño e perdendo o norte Nacionalista e de Esquerdas.
Agardo a ollar o que consigue nos Orzamentos do Estado e a súa utilización polo Bloque.
O que sí é evidente é que o BNG xa Non Voltará a ser o BLOQUE, máis a pesares diso deberianse evidenciar posturas Políticas Sociais e Máis Xustas.
Tal vez teña a Razón o Alcalde e membro de Terra Galega de Narón, Xoán Gato.
Non todo se compra con cartos, máis semella que é o que prima a día de hoxe no BNG, che dou tal posto por tanto ao mes, e a calar.
Eu mesmo teño rexeitado Presidencias de Comisións, e non cobraba senon que ía todo para o BLOQUE, e de seguro que hoxe non van os tiros por esa banda, así é que hai tanto arrechegado e que por enriba e benquerido polos cabezas pensantes, xa que os anteriores son como con Fraga : Si Señor.
Pero coidado que os arrechegados poden cambiar facilmente e largarse para outro grupo no que estén máis pagados.
Sí estou certamente cabreado, e supoño que irá a máis polo que se albisca.
Parabéns FROUXEIRA, polo teu espírito libre e o teu compromiso co país; eses son os verdadeiros nacionalistas, os de toda a vida, que dende a militancia ou a simpatía traballaron duarnte anos por construir unha alternativa nacionalista seria; síntome reconfortado de ver que non son o único que se sente defraudado pola deriba caiquil do BNG ao que tantas veces dei o meu voto e defendín de todo tipo de ataques, pois ainda que nunca fun militante si sentía a necesidade de apoialo e defendelo das inxustas acusacións de radicalismo que nunca foron certas máis aló que catro baldreus. O novo BNG é o dos oportunistas, o dos señoritos que se arriman ao poer veña de onde veña, e quédalle de nacionalista o nome e de progresista nin iso, representan ao novo caiqismo patrio herdado de Don Manuel. Unha magoa pero o nacionalismo non se acaba no BNG, e máis aló dos seus problemas internos de Terra Galega, Xoan Gato representa sen dúbida ao nacionalismo serio deste país, o de toda a vida, aí est´´a a súa traxectoria como cofundador do PSG, membro de Esquerda Galega e de Unidade Galega, e apoio en Ferrolterra da candidatura de Beiras á Presidencia da Xunta en varias ocasións
O do BNG xa non é unha deriva, escomenza a ser unha eiva para Galiza. Non é un ha deriva, é unha DECADENCIA política e social. Nunca me gustaron os “Salvadores e Mesías da Patria”. Non poñamos as orelleiras e a venda nos ollos. Non só non se acabou co caciquismo e clientelismo senon que aumentou, ¡e de que maneira! É verdade que a Galiza foi colonizada por Castela. O pior é que istes “Mesías” que a ían a descolonizar este País, non só non o fan; máis o contrario; estano a colonizar máis. Con descolonizadores desta caste,… para que queremos colonizadores? Unha Nación tamén se coloniza dende o governo, negándolles a participación a cidadanía. O BNG estalle negando o dereito a dicrepar aos que non pensan ao pé da letra como fan os seus máximos dirixentes. Tiña boa razón un bo amigo catalá que me dicía: que sería da Galiza sen caciques? Non necesitamos de ningún “Mesías” tipo Quintana e somellantes que nos guíen a Terra Prometida. Afortunadamente a cidadanía en xeral; agás os aborregados; imos moi por diante de todos iles. ¡Espertemos dunha vez! Eu tamén traballei arreo e desinteresadamente para o BNG e agora veñen istes “señoritos” a montar un chiringo tras doutro e a repartir cartos a esgalla cos que se axeonllan diante deles. ¡BNG=DECADENCIA VERGOÑENTA E NOXENTA!
Moito obrigado OUTRO, só fixen unha reflexión que penso non é minoritaria dentro dos Nacionalistas, e o digo non por cobiza de poder senon de Xustiza.
Coido que o BNG, cando menos o que a min me trasladan os medios de comunicación,está a estas alturas a poucos pasos do Neoliberalismo e acata aquela frase que acuñou F.González e que é cabeceira de unha sección de A Nosa Terra : Vivimos no mellor dos mundos posibeis, coa cal é evidente que non concordo.Saúde.
A respecto da dicotomía BEIRAS Quintana:
Concordo coa maioría de que como BEIRAS só hai UN.
Limito-me a que lembren aqueles que lles pareza o contrario, que fagan un xesto de reflexión e faigan unha lectura sensata, e sin complexos nin prexuizos dos xestos políticos de toda índole e do bagaxe cultural de ambos, e que tiren unha conclusión.
BEIRAS para min está moito por enriba da media política, e non Galega só.
Se tod@s @s crític@s abandonan os partidos a mínima que os caciques das súas respectivas organizacións se van saindo ca súa, se é dificil que a xente teña algo de conciencia, coñeza tódolos seus dereitos, se unha mentira vale mías que mil verdades, etc, non é de estranar que máis do 86 % ampare a decisións de representarse por delegad@s, e co tempo a porcentaxe irá en aumento
Non sei se vai servir de algo a estas alturas, pero vou reproducir unha conversa q tiven noutro xornalao fio dunha entrevista feita a Breixo Lousada:
-Eu: Todo o q di Lousada está moi ben desde o punto de vista de quen non mira alén do propio embigo.
O BNG creceu dunha forma q debe artellarse q sexa funcional e participativo á vez.
Todos sabemos como son as asembleas: horas e horas e dias e dias para tomar UNHA decisión sobre se se debe votar ou non q se deba votar na votación: UN DESATINO DESATINADO, valla a redundancia.
Sr Lousada dicir: "a Fundación Cidade da Cultura é de capital maioritariamente privado e está dirixida por un banqueiro que nin sequera é galego. Poderiamos entender que o fixese o PP ou o PSOE, pero que o BNG aspire a que a cultura sexa un negocio e non servizo público"; mais semella dunha militante do PP q non ten visión do q di.
Eu como militante do BNG vexo unha correctísima decisión o feito cun mausoleo monstruoso q non deixa de tragar cartos q se poden investir noutros proxectos: se todo vai para a cidade da cultura, ¿como se vai promocionar o libro? ¿como se van pagar as axudas aos nosos deportistas?
E se é un empresario capacitado, a min non me importa q non sexa galego: hai moitos galegos polo mundo dirixindo proxectos moito maiores e importantes.
En definitiva, transladar a visión á toda a militancia de Movemento pola Base non é o q opinamos a maioria: a decisión de decidir por delegados tomouse nas asembleas onde participou a militancia q kixo, e lembremos q non toda a militancia participa pq non ten tempo ou simplemente non pode ou non kere.
No BNG débese comezar a pensar como un partido de miles de militantes e non de catro amigos q se coñecian cando comezou.
-ANN contéstame:
A funcionalidade na toma de decisións no seo do BNG non pode nen ten en ningun caso que estar reñida coa abertura dos procesos decisorios ao conxunto da militancia. Claro que sabemos como son as asembleas. Pero o argumento que ti empregas (as asembleas son tediosas, horas e horas de debate) é o mesmo que usan os grandes partidos para xustificar que a única forma de participación política que temos os cidadáns sexa nas furnas cada 4 anos. Se a propia militancia do BNG, que se pretende (ou iso pensei eu cando me afiliei) rupturista e transformadora, olla os procesos de decisión das bases como "desatinos", hai que empezar a ter medo. Por moitas horas que dura unha asemblea, é necesario que exista, está claro que é mais sinxelo a toma de decisións ad-hoc por parte dunha minoría executiva, e moito mais funcional efectivamente, pero amosa unha democracia inexistente e un sentido de "participación" bastante deturpado.
Seguindo coa crítica ao teu comentario, o que se está a criticar é a aposta por unha entidade privada para xestionar algo cultural. Unha vez asumida a continuidade coa Cidade da Cultura, xa a medio construir, pode ser posíbel reenfocala coma un lugar de promocion da cultura galega. Pero posto en mans fundamentalmente privadas, non só van ser desaproveitados os cartos xa investidos aí, senon que ademais estase fomentando o trato da cultura como mercadoría. Cartos para pagar axudas aos deportistas e libros hai dabondo. Se non fíxate na nova tv de Quintana, e pensa cantos cartiños investiron aí. Eses non nos preocupa que non se gasten en libros e deportistas?
"A decisión de decidir por delegados tomouse nas asembleas onde participou a militancia que quixo". Si, é certo, pero cando unha maioría aproveita o seu "poder" como tal para mermar a democracia interna e impedir, mediante "democraticas" votacións, que as minorías podan ter voz, non podemos falar de democracia. Ou si, da democracia como se entende comunmente. Pero non de democracia como debería entendela un nacionalista transformador, democracia inclusiva que se construa co traballo e aportación de todos e non cos votos dunha maioría que deste xeito lexitima a exclusion dos que son minoría.
O BNG non vai pensar como un partido, pensará como unha fronte formada por colectivos e individuos que teñen direito a disentir e a ser dotados de voz para facelo nas asembleas, e non a esperar a ver se hai sorte e consiguen un delegado, e senon, a calar e achantar; e aos que buscades o silencio dos que pensan diferente hai tempo que se vos comezou a ver o plumeiro.
-E eu contéstolle a el:
Por q non falas claro? A quen t refires coa frase "e aos que buscades o silencio dos que pensan diferente hai tempo que se vos comezou a ver o plumeiro"?
Eu xa o sei, e voucho dicir a ti, porq non tes a gallardia de dicir as cousas á cara, e máis q buscares a opinión dos demais e escoitar o q os outros poden opinar, buscas a confrontación: é isto o q fas nesas asembleas tan democráticas e interminábeis das q tanto gustas?
Estás a falar dos da UPG: pois ekivócaste, non pertenzo á UPG e non teño ningunha relación con eles. Todos falades deles por detrás no BNG pero non tedes a capacidade de artellar unha fronte q teña a mesma influencia e poder de decisión q eles teñen. Por q? Pois analízao ti mesmo.
Por certo, esta casuística xa existía no temo de Beiras: a UPG sempre se impuña nas asembleas. A q ven agora esta desvandada? Eu como militante q non participa pq non kere ou non pode, pero q apoia o BNG, non o comprendo.
Se dentro do BNG hai un sector q é capaz de imporse, e os demais sodes tan mal levados q non sodes capaces de pórlle frente, pois será pq non tedes a capacidade de convencer aos demais. Non hai mais q ver como contestas os comentarios dos demais: con provocacións.
Sigo reafirmándome: estou farto das asembleas para decidir o q se vai decidir o q votar se se votase ou non. E se non se consegue unha forma mais axil de facer estas asembleas e q isto repercuta nas instancias superiores, estamos abocados ao fracaso.
Por certo, a entrevista está en:
http://www.galicia-hoxe...
Vamos que agora o BNG é un partido que se desentende de todos aqueles que arrimaron o lombo nos tempos duros que non habia un can, e que cada un poñia o que podia tanto dende o punto de vista económico como co traballo.
E se desentende democraticamente xa que estes que fixeron o traballo "sucio" son os que demandan do BNG unha POLITICA NACIONALISTA E DE ESQUERDAS.
Ben, pois que se diga claramente que non estamos no lugar adecuado, que son outros tempos e que o que queremos e chegar ao PODER lexitimamente cos votos de quen seña e sin conciencia política.Esa seria a postura de quen "manda".
Si así é que se fagan outros programas electorais que esten en consonancia cos tempos dos "VOTOS" veñan de onde veñan.
Que xa non vale o de O POBO UNIDO XAMAIS SERÁ VENCIDO, OU AQUI ESTÁ O BNG, que se quere estar DENTRO DO SISTEMA....etc, que se fale claramente.
Mentres tanto os ANTIDISTURBIOS cargan contra os mexilloeiros, as politicas sociais fallan, os enchufados son de novo cuño, Reganosa se chulea como Endesa ou Astano así como Barreras ou "Barreiras"?, a política lingüistica vai de pena, os salarios son máis altos para os ALTOS CARGOS....ETC.
Pois xa que así é, xa veremos dende a nosa Atalaia o principio do fin do Nacionalismo Democrático, e a Constitución de outro grupo ou Holding de PODER.
Por certo falade con QUIN TV, que seica que contesta persoalmente, a todos cantos temas queirades,lle preguntades polos delegados e a "Asemblea".
Pois si frouxeira, é así como se transforma un país, co poder.
O BNG leva decenios intentando governar este país, e os escasos resultados están á vista: os votos q
deberian ser traspasados ao BNG desde o PP foron para o Psoe, q keirámolo ou non é o partido de esquerdas en galiza con mais votos, despois é o PP e por último o BNG.
Si, eu kero q governe con maioria para tranformar este país, se fai falta vendendo unha parte aos nosos empresarios, mellor q aos foráneos. Que sexamos capaces de q o galego se normalice dunha P vez. Q o noso país teña voz en foros internacionais, q podamos falar de ti a ti co governo central q nos tira os cartos. SI, QUÉROO ASÍ, e q q o bng deixe de ser o partido da fama dos piollentos q sempre protestan por todo e nunca fan nada porq non teñen o poder suficiente.
E todo isto conséguese con cartos; si, con pasta: como podemos mandar aos nosos representantes aos foros internacionais? con latas de sardiñas?
Como pagar os nosos deportistas q nos representen polo mundo? Con boas palabras?
Como governar un país se non é cos orzamentos do propio país?
Xa está ben de discutir idealismos adolescentes: eu kero un BNG forte e q governe, e se hai q arriar lastre pois arríase, e quen keira estar no barco q non faga desvandadas.
O Beiras cando lideraba o BNG sabia perfectamente q a UPG sempre se impuña nas decisións de TODAS as asembleas: e agora racha as vestiduras?
O sistema asembleario está moi ben para quen ten miles de horas ao seu dispor, e de feito as asembleas non se eliminaron do BNG.
Se keremos q un partido sexa de miles de militantes e non de catro amigos q se coñeceron nos 60, hai q artellar un sistema de toma de decisións áxiles. Xa sabemos q nunca chove a gusto de todos, pero ao mesmo tempo ese sistema debe permitir reconducir as situacións nas q os militantes podan opinar e se volva ao rego.
Pero o q non pode ser é estar horas e horas para discutir cousas tan esperpénticas como decidir se votar ou non nunha votación q se decidira (ou non) se se votaba: isto non ten nin pés nin cabeza, como moitas das asembleas q o único q fan é desesperarte polo q se eterniza unha decisión moitas veces estúpida.
E isto vai para os "desvandados,, de última hora.
Sempre falan da UPG por detrás: q se os da UPG sempre se impoñen..., q keren acalar aos demais..., blablabla
Por que o resto dos grupos do BNG non chegan nunca a un acordo para impor eles o seu punto de vista? Pois pq non teñen a capacidade de convencer a nin aos seus, moitas das veces.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto