Vieiros

Acusan a varios matadoiros de coordinárense para rebentar o prezo do coello

Desde o Sindicato Labrego din que tres matadoiros negocian consigo mesmo os prezos desde hai semanas. Creouse unha "situación insostíbel" para os produtores, denuncia Unións Agrarias.

O CCG pecha tempada salientando o éxito de público das súas actividades

Case sete mil persoas asistiron ás representacións do 'Kiosko das Almas Perdidas', do Centro Coreográfico Galego.

O PSdeG destaca a idea da "España plural" que non se esgota "na reivindicación da pluralidade lingüística e cultural

"Galiza conmemora hoxe a súa forma de estar no mundo", comeza o manifesto dos socialistas para esta xornada, un día onde " os galegos recoñecémonos e reafirmamos a nosa dimensión de pobo singular e diferenciado, dentro da España plural e da Europa unida".

Galiza Nova celebra vinte anos de historia convidando ao esforzo de "sermos galegos"

A secretaria xeral de Galiza Nova, Iria Aboi, defendeu a homenaxe a Castelao e Rosalía fronte a "outras ofrendas dos que renegan do idioma e do país".

O BNG convoca a unha mobilización "masiva" baixo o lema "cremos no noso país"

O Bloque estimulara xa á súa militancia e simpatizantes nas últimas semanas, con ducias de actos por todo o país. Ás 12h polas rúas de Compostela discorrerá a habitual manifestación, co discurso do voceiro nacional, Anxo Quintana, ao remate do acto.

No Día de Galiza, inventario de galeguismos preelectorais

Cunha longa precampaña xa lanzada, as principais formacións políticas aproveitan a xornada para insinuaren faragullas estratéxicas. Galeguismo "aberto", din defender desde o PP. Galeguismo "rigoroso e construtivo", apuntan desde o PSdeG. Desde o BNG chaman a "crer no noso país e nas nosas potencialidades".

• O PPdeG cita a Brañas e Castelao para dicir que Galiza "xa ten ampla autonomía"
• O PSdeG destaca a idea da "España plural" que non se esgota "na reivindicación da pluralidade lingüística e cultural
• O BNG convoca a unha mobilización "masiva" baixo o lema "cremos no noso país"
• Por segundo ano consecutivo, a plataforma Causa Galiza mobilízase en favor da soberanía nacional
• FPG: "Dixémolo moitas veces: socialismo ou barbarie"

O PPdeG cita a Brañas e Castelao para dicir que Galiza "xa ten ampla autonomía"

"Trátase de poñer en marcha os instrumentos estatutarios e constitucionais", leu Alebrto Núñez Feijoo no manifesto oficial do PPdeG para este día, "de exercitalos con competencia e eficacia".

"Açougue", do poeta portugués Amadeu Baptista leva o Premio Espiral Maior

O xurado valorou un traballo "de base autobiográfica" que ao tempo "ilumina un xeito de crónica colectiva, histórica, do pobo portugués e da cultura portuguesa".

Maniféstese aquí, aquí e aquí

Beixín escolle tres parques públicos aos que se han limitar as protestas que se produzan durante as Olimpíadas.

Malia negalo Martinsa-Fadesa "si vendeu vivendas sen licenza"

Así o aseguran desde a Asociación de Usuarios de Bancos e Caixas, desde onde pedirán a administracións e Banco de España que obriguen as entidades financeiras a informar sobre os avais subscritos pola inmobiliaria.

A UE supedita as axudas ao desmantelamento e reestruturación da frota

Aprobáronse de xeito definitivo as axudas económicas de urxencia destinadas aos armadores para afrontar o encarecemento do gasóleo.

O COI prohíbelle a Irak participar nas Olimpíadas

Había sete atletas preparándose para participar. O organismo internacional ratificou esta semana unha primeira prohibición que emitira o pasado mes.

Pelegrín ás olimpíadas de Londres

Unha proposta de imaxe alternativa para os xogos olímpicos de 2012 de inconfundíbel aspecto xacobeo está a ser a máis votada nunha web.

Sectores do PSdeG renegan dos socialistas sen carné

Militantes vigueses organizan a queixa interna fronte ao crecente poder no partido dos considerados "independentes".

Pontevedra, cidade de jazz

O albino Johnny Winter, lenda viva do blues, protagoniza a noite do 24 na cidade,

O novo dos videoxogos: agora tamén se cheiran

No seu camiño cara conseguir o maior realismo posible, os videoxogos achegan agora a novidade de poder recrearse nos olores que as situacións provocan.

UXT subliña o bo comportamento do emprego en Galiza

O sindicato destaca que os sectores servizos e industria seguen a xerar emprego.

O PP considera que son os peores datos que Galiza podería recibir

Os populares critican o incremento do desemprego no último ano e acusan ao bipartido de política de "autobombo".

Organizan unha cadea humana pedindo a "repatriación e liberdade" dos presos galegos

Desenvolvida por Ceivar, a convocatoria ha denunciar tamén a presunta agresión sufrida esta semana polo mozo Santiago Vigo na prisión de Aranjuez.

O 0,3% da luz do Sáhara podería abastecer de enerxía a toda Europa

A Unión Europea está a estudar a posibilidade de instalar un panel solar no deserto saharauí, o que permitiría reducir as emisións de CO2.