EHAK racha o empate e facilitará a aprobación parlamentaria da consulta en Euskadi
Unha das deputadas votará a favor e as outras oito absteranse. A formación di querer escenificar así que "será España quen impida" a convocatoria de referendo.
Nekane Erauskin e Itziar Bazterrika, parlamentarias de EHAK, compareceron na mañá do xoves diante da prensa para anunciar que facilitarán o seu apoio ao proxecto de consulta promovido polo lehendakari Ibarretxe. A fórmula escollida será que unha soa das deputadas da formación abertzale vote a favor da proposta, rachando así o empate a 33 do tripartito e Aralar fronte aos votos de PSE e PP, mentres o resto de representantes de EHAK se absterán.
Con todo, as deputadas de EHAK insistiron en criticar o proxecto impulsado polo goberno vasco. "Diga o que diga Ibarretxe, o dereito a decidir de Euskal Herria non cabe na legalidade e na Constitución que o PNV di que vai acatar", explicou Nekane Erauskin, indicando que con este proceso "verase con nitidez que é o marco constitucional o que impide oese dereito" e criticando que "o PNV non fará nada por superalo".
Máis na EiTB
Novas relacionadas
Comentarios (2)
Pareceme moi acertada a decisión tomada por EHAK.Da pouca política coherente que se pode ver neste país chamado España por unha forza antiespañola.
Pareceme fatal o que andan a facer estes do EHAK, pero dende o punto de vista deles mesmos é unha posición moi boa.
Se sale o resultado que eles queren o comentario aso 3 min será:
"NOS SEMPRE ESTIBEMOS NO PROCESO", e lexitimaranse a si mesmos para seguir facendo o mesmo "NON CONDEAR O TERRORISMO", (e non violencia terrorista, a violencia pode ser de xenero, pero o TERRORISMO salese de ise rango.).
Se non sale o resultado que eles queren diran:
"Este é un proceso que dende o inicio non contaba co noso apoio por non ser nin valente nin decidido, por iso a xente non se decidiu ir votar"... E por consiguiente seguirán facendo mais do mesmo....
Eu dende logo de ser o Lendakari, nestas condicións retiraba a consulta, pois está claro que saia o resultado que saia, os "poliquiteros" non a van a respetar, e todos tentarán lebar a ascua a sua sardiña.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto