Vieiros

Á Igrexa preocúpanlle máis as plumas cós micrófonos

Un recente artigo de J.L Ortega en Vida Nueva –revista católica nada sospeitosa de radicalismo, aínda que hoxe en día todo podería resultar sospeitoso, dada a patoloxía ultramontana que penetrou boa parte do goberno da Igrexa-, poñía un dedo na chaga. Dicía o articulista: “A divulgación dun libro sobre Xesús Cristo –referíndose ao de Pagola- activou todas as alarmas eclesiais e tanto persoas como certas instancias puxeron en solfa o autor. Ao propio tempo, un programa radiofónico no que habitualmente se falta ao respecto e á caridade e que mereceu unha condena xudicial por inxurias, non recibiu o menor reproche público, sendo precisamente a Igrexa a propietaria da emisora”.