Edición xeral
"Non queremos guetos, hai que formalizar un movemento amplo de esquerdas"
Co gallo do vixésimo aniversario da organización independentista, falamos cun dos seus históricos dirixentes.
Manifestación da FPG no Día da Patria de 2006
A máis veterana das organizacións independentistas celebra este sábado en Cangas, na parroquia de Aldán, o seu vixésimo aniversario. Falamos con Mariano Abalo, un dos históricos dirixentes da Frente Popular Galega.
Vieiros: No mes de xuño fixéronse vinte anos da asemblea constituínte da FPG. Que balance fai de todo este tempo?
Mariano Abalo: Eu creo, para ser honestos, que hai que facer autocrítica. Dende a nosa perspectiva consideramos que, aínda que o esforzo foi enorme, os resultados non foron os agardados. De todos os xeitos, tiñamos que combater unha asimilación do nacionalismo como agora se está comprobando.
A FPG ten presenza na bisbarra Morrazo e no seu tempo tivo tamén representantes noutros municipios galegos. Porén, a implantación da súa organización no resto do territorio revelouse unha misión extraordinariamente difícil. Cales foron os atrancos?
Considero que a bonanza económica e a asimilación da política oficial de esquerdas dificultaba que poidese haber alternativas. Agora, coa crise, demándanse políticas diferentes e a existencia da FPG aínda ten máis razón de ser ca nunca. É certo que tivemos a nosa particular travesía no deserto.
Vostedes son moi críticos co nacionalismo maioritario. Afirman a miúdo que o BNG representa unha liña cada vez máis autonomista e alonxada da esquerda. Aínda así, o Bloque seguiu aglutinando a inmensa maioría da base social nacionalista, sen deixar practicamente espazo a ningunha outra forza...
En xeral, a xente apunta a cabalo gañador. Cando non se albiscan crises importantes a xente busca os postulados máis acomodaticios. Aínda así, creo que se non houbese unha organización como a FPG habería que creala.
Logo de 16 ano de gobernos Fraga, agora hai un bipartito. Que chatas lle apoñen e que aspectos positivos?
Nós consideramos que, aínda que hai que poñer moitas chatas, nunca tivemos unha posición sectaria contra o BNG (de feito, compartimos goberno en Cangas).Tratouse sempre de tender pontes. Pero, nomeadamente dende a UPG, sempre se tratou de que a esquerda non tivese cabida dentro do BNG. Sabemos que todos os que non abracen a liña oficial non teñen sitio. Con respecto ao Goberno, somos críticos porque ten unha liña moi continuista coa época do PP, sen medidas novidosas.
Cales son os atrancos para a unidade da esquerda independentista, supoño que irán máis alá dunha guerra de normativas lingüísticas da que falan algúns...
(Ri) Evidentemente, iso só é a punta do iceberg. Hai outras diferenzas. Hai outra configuración e unha dinámica política que nos separa. Non queremos güetos nin políticas marxinais, ou se formaliza un movemento amplo de esquerdas e combativo ou será un simple salto en falso.
Cal é o futuro da FPG. Como lle gustaría que fose este proxecto cando toque cumprir os 30 anos?
O noso obxectivo vai máis aló dunha política meramente partidista. Queremos un Goberno onde os traballadores galegos teñan un peso real. Queremos deixar de ser unha mera sucursal do goberno de España, que se fagan políticas a prol das maiorías sociais e non para o simple proveito do sistema. Para iso, hai que alentar unha liña política de esquerdas, que hoxe en día non existe nese país.
Comentarios (22)
O Freaking por Galicia (FPG) debía dunha vez por todas aliarse coa esquerda española de IU, porque non ten nada que facer co resto da esquerda independentista que ten unha visión ampla da lingua, e por tanto é reintegracionista.
Deixemos os pedantes cos seus asuntos universitarios, a clase obreira necesita xa unha voz e iso só pode vir coa alianza de toda a esquerda. O radicalismo e as lingoretadas, para a burguesía compostelá.
Nós-UP têm tem a sua base em estudantes de duvidosa formação ideológica, sem consciência de classe porque nunca trabalharam na sua vida, não sabem o que é um sindicato, e são "guerrilhas urbanas" bem desligadas dos mundo operário, camponês ou marinheiro, ou seja, com um marxismo teórico afastado da práctica das relações de produção. São a esquerda independentista do século XXI, mas ainda só de forma teórica.
A FPG têm uma pequena relação com o mundo operário e marinheiro das Rias Baixas, experiência sindical e uns militantes com o cerébro paralisado nos anos 70, desfilando ao pé dos Iosev Stalin-Ferrin e Iosev Stalin-Abalo. São a esquerda independentista do século XX incapazes de entender as mudanças que decorreram desde o 64 da UPG, nem nenhum interesse por ampliar a sua base noutos lugares e sectores sociais.
Dous guetos.
Não semelha que nenhuma destas organizações queiram mudar as suas caminhadas a becos sem saida e vertebrar uma esquerda indendentista alternativa ao BNG com possibilidades de calhar na sociedade e mudar o "estado da questão".
Que os rapazinhos de Nós-UP madurassem, e o Ferrín e Abalo lhes deixassem passo a outras pessoas da FPG, poderia mudar as coisas.
A entrevista de Mariano Abalo não aporta nada. Mágoa.
Tempo atras a proposta de criar um frente de esquerdas soberanista encheu de esperança a muita gente.
Os artigos banais de Ferrín no Faro de Vigo e o seu "GaliCIa" insultante recolhendo um prémio cuja quantidade ele mesmo fixou, ou discurso ABSOLUTAMENTE VAZIO do Mariano, convertem aquela esperança em fumo.
non pode ocorrer que os da FPG deixen paso nin que os de Nos UP maduren, Concordando co que dí mceleiro creo que para que os ultimos maduren e preciso que os primeiros deixen paso. pero outro problema bastante grande é q os de nos non queren madurar porque como ben dis resulta moito máis cómodo vivir nas "comunas" universitarias, teorizando e chamando as masas a unha revolución na que nin eles mesmos viven. Unha alternativa xurdida desde estes sectores do independentismo foron as chamadas assembleas de precarias.. E tiñan moi boa base, porque cun traballo serio poderían ocupar o lugar que deixan baleiro os vellos sindicatos hoxe reconvertidos en comparsa. As asembleas de precarias teñen que ir máis ala da mera comparsa, manifestación, protesta... teñen q comezar a asesorar a traballadores, defendelos verdadeiramente cando os seus intereses se ven agredidos e non simplemente facer comparsa pola zona vella de santiago queixandose da explotacion q fan os hostaleiros. Eso non serve de nada sen outras medidas e formas que só son posibles coa ORGANIZACIÓN e con menos caos ou acratismo. Organizarse sen perde o norte, sen venderse ao sistema como xa hai alguns exemplos: o novas da galiza por exemplo. E ser realistas. A batalla pola independencia non está nos petardos das obras esta nas fabricas e lugares de traballo onde os obreiros están cada vez menos cohesionados por culpa deste capitalismo atroz. Uns deben midar de discurso, os vellos termos xa non serven, e actuar se cadra menos dinamicamente para obter menos resultados pero mellores. Os outros teñen que comezar a saír do seu burato e comezar a ver q hai máis mundo fora da súa cova.
outros, os supostos lideres que son os teoricos que non deben xogarse o tipo mentres outros están na cadea, como xa se oiu algunha vez.. teñen q deixar de ir de lideres e adoutrinadores e facer traballo de verdade e formar verdadeiramente galeg@s para conquerir a independencia. Os heroes sen heroismo non serven de nada.
As miñas felicidades a FPG porque por mal ou por ben seguen a ter unha militancia destacada, cousa ben diferente de calquera outra organización. Na FPG están os cadro políticos i sindicais máis valiosos do independentismo i iso marcache moita diferencia. É certo que a FPg é cousa pequena pero pese a quen pese segue sendo un referente ideolóxico i a quen realmente lle precoupa é a UPG caudillista porque saben que si a FPG dese un salto adiante (con estas ou outras siglas) se cadra tiñan que contar fabas no movemento social i no sindical, verdadeira base das camadas sociais populares.
tamén vexo que moitos falan dende a casa que vén sendo o esmo que formar grupiños universitarios. Dígoo porque descoñecedes ben a realidade do movemento nacionalista e sindical. En vez queixarse todo o día por internet sería boa cousa baixar á area a traballar como fixemos moitos miltiantes do nacioanlismo. A FPG ten a súa xente a traballar na area, silencioasamente, pero traballando. I non só de mariñeiros das Rías BAixas, senón ata obreiros do metal en Lugo con todo o que hai polo medio. Quen coñeza a realidade, ben saben que non minto.
Tamén quen coñeza a Mariano sabe con quen está diante i a sua mensaxe vai ben dirixida inda que algún lelo non a interprete.
De novo, felicidades á FPG, moita forza e a loita continua!Agardo que se dea o paso definitivo para conformar a alternativa nacionalista de esquerdas.
C. Espasende.
Son da opinión de que ambas duas correntes están no teito das suas posibilidades e non vai haber nada máis arriba, ningunha ampliación pola base. Estancamento definitivo e estático.
Acho que a movida andivo perto, cando NM poido chegar a constituírse en movimento, mais xa é auga pasada máis historia viva.
Só un movimento dialéctico, que arrime ás xentes descontentas por tempo do nacionalismo "maioritario", as mobilizadas no entorno de aquela nacente NM, os restos da militancia comunista de matiz autodeterminista (ex-PCs), dos correntes vermellas, PCPGs, bases sindicais nacionalistas, etc. poderían chegar a artellar unha unidade de matriz traballadora e popular capaz de AUTOCONSTITUÍRSE en forza política de base.
Non semella haxa ningunha outra posibilidade. Diante un longo camiño de confluencias "posíveis" entre TODAS E TODOS.
Moi simple solución a todo isto, que os cargos non sexan vitalicios, se o mismo tipo manda vinte anos na súa organización, estan vinte anos enfadados coa organización veciña. Se os dirixentes se renovarán cada ano, todolos anos habería oportunidade de unión.
Nom som a organizaçons. Somos nós, todos e todas. Incapazes de criarmos UNIDADE a partir de duas palavras: Independéncia e Socialismo, independentemente das grafias no código substitutivo escrito que prefiramos.
No 88, na Assembleia Constituínte da FPG, antes da cisom FPG/ÁPU, havia diferenças irresolúveis e alheias, em maior ou menor grado à própria organizaçom, hoje nom se dependeria dum Estado Maior Irmadinho. Bom, pois naquela assembleia um dos temas de maior debate e com mais emendas(depois do Socialismo, o Patriarcado e a Luita Sindical; ainda nom se unificaram na CIG e havia secçom de funcionários de prisons dum dos sindicatos) Foi o tema da LÍNGUA (tinha tantos nomes e definiçons diferentes que o deixarei no substantivo) e, claro é, das GRAFIAS. Acordou-se finalmente, uso Ilga-Rag para a comunicaçom exterior e possibilidade de máximos AGAL na documentaçom interna.
No dia-a-dia em Vieiros estamos a colaborar no que deveria ser umha qüestom nom essencial. Alguém imagina umha cisom no MLNV por que uns sejam da Real e outros do Atlétic?
Bon... o tema da normativa daría para moito rir, se non fora polo seu patetismo, e porque evidencia as realidades sectarias e minifundios detrás da máscara das ideoloxías...
Non pode resultar críbel e serio que a principal diverxencia entre os independentistas sexa cuestión de norma (sería, alén de profundamente estúpido, o máis antimarxista e antinacionalista imaxinábel, e todas estes xentes defínense en teoría como marxistas e nacionalistas). O que latexa detrás da incapacidade real da unidade é o sectarismo cerril e pechado de cada grupo -tamén, en menor medida, a pertencia a entornos e mundos políticos totalmente desconectados: a esquerda 'clásica' saída da UPG para a cal todos os días son 1960, e Papá Stalin e Mao os grandes timoneis á sombra de McFerrin; e a esquerda alternativa post-sesentaeito, con pouca ou nula base nos sectores populares clásicos, e que se centra hoxendía nun estudantado ideoloxizado e escaso e en certos movementos sociais.
Sectarismo, digo. Supoño que é un mal endémico de todo partido pequeno alleo á realidade social e incapaz de artellar masa crítica para tentar facer algo nese realidade. Renunciada a política real, fican os dogmas (os grupúsculos gorentan moito de pelexar e proclamar a súa total honradez, pureza e verdade ideolóxica) e os cambalaches da sectiña de amigos e pequenos cultos á personalidade para maior vaidade dalgúns mesías.
Co que temos hoxe en día hai que recoñecer que non hai nada que facer. O que é triste. Moito terán que mudar as cousas, e aí a maior esperanza cifraría en xente escindida pola esquerda do Bloque para con eles artellar un partido serio e sólido, soberanista e á esquerda coma o Die Linke alemán, e non pequenos rabaños autocompracentes.
Se un partido independentista de esquerdas acabara tendo unha representación amplia nas institucions seria bo para Galicia por que, entre outras cousas,serviría de ariete na politica galega e española e eso redundaría en beneficio do nacionalismo galego en xeral.
Pero para eso compre moito sentido comun e menos sectarismo e dogmatismo como moi ben apuntaba alguen por ai. Mais pensar en Galicia e menos personalismo e/ou individualismo.
Naturalmente que o sindicalismo galego rén moito que aportar ao nacemento dunha forza de este tipo. Tanto que eu colocaria a alguen como Lidia Senra como candidata máxima nuhas eleccions autonómicas. Tén moitas doses de sentido común, experiencia e saber facer.
O voso problema. O de todos os que andades por eses lares é o mesmo é ten que ver últimamente cos cacharros da cociña. Non sei se me entendedes. Mentres non vos tiredes esas fantasías da cabeza non hai nada que facer; non tedes nada que facer. Calquer persoa normal, cun mínimo de sentido común darávos as costas. Non hai traballador real, de carne e oso (e non eses musculados que aparecen en determinados carteis) que vaia poñer en xogo o futuro dos seus fillos, xuntándose a estudiantes descerebrados da pequena-burguesía que unha vez ao ano se lles ocurre a xenial ídea de coller o taper e ir a un picnic especial, no que sempre-sempre-sempre se acaba no mesmo sitio. E logo outravolta co proceso espiral: victimismo-represión-victimismo-represión- victimismo e ao final... de pena.
Por todo isto, nunca fóstedes referencia de esquerda do nacionalismo, nin o seredes NUNCA. A ver se vos vai quedando claro. E é que no fondo hai un problema de colonización: o famoso papanatismo vasco. A que oístes falar del un millón de veces? Pois, para empezar Euskalerría non é unha colonia, e inda que o fora nada xustificaría esa posta en escena sempre co papanatismo vasco por diante.
Así que non esperedes nada. O mellor que poderíades facer, pero non podedes porque vos proe a mala conciencia, era irvos para casa, e esperar que alguén, ex-novo, puxera a andar un proxecto á esquerda da esquerda nacionalista, e que servise de referente para aqueles que se identifiquen cos plantexamentos rotundamente independentistas. Pero isto non vai ocorrer, porque sodes vítimas das vosas propias fantasías, que na realidade diaría fanvos tamén escravos intelectuais de determinados actos que indefectiblemente acaban en Pereiro de Aguiar. O mellor olvidádevos de lerios e poñédevos a traballar nesta sociedade que ten moitos problemas, sen esperar a revolución á volta da esquina, nin acelerar procesos pola vía da dramatización esquerdista. Como dixo Mariano Abalo moi ben: despois de 20 a nos non conseguimos nada. Reflexionade un tanto nestas palabras, o único con sentido de todo o seu discurso.
É alo menos sopresivo que nin na respostas nin nas cartas se faga mencion a un proxecto que con moitos atrancos fixo dúas manifestacions, e convoca outra baixo o lema Soberania Nacional, para o 25X que ven, aprobou un decalogo, e comeza a ter pouco a pouco estrutura comarcal... refirome a Causa Galiza, onde agrupanse dende independentistas de todas as correntes, de fora e de dentro do BNG, ou nacionalistas ata xente que esta pola autodeterminacion, mais non pola independencia, e esta aberto a todos aqueles que defendan o dereito a decidir do pobo galego, e no fondo, pois así o din o seu decalogo, abre un camiño ao reagrupamento da esquerda anticapitalistas na Galiza.
É dicer, o embrion dese movimento amplo ao que se refire Abalo existe, chamase Causa Galiza; non ha porque inventarse nada novo... sería facer un novo "chiringuito".
Por iso, facer chamamentos abstractos a movimento amplos, sen facer referencia ao que xa existe é un saúdo a bandeira.
Deixemonos de mirar cara pasado, o que foi e non podo ser, e miremos cara o futuro; as agresions ao pobo traballador veñen de Europa (diretiva das 65 horas, da vergoña, etc.), do goberno central (medidas contra crise economica, politica ultracentralista, etc) e da xunta (esencia continuista co fraguismo no fundamental das medidas da xunta bipartita), e exixen a reconstruccion da esquerda anticapitalista e soberanista.
Avencemos neste camiño sen etiquetas nin sectarismos.
Non acredito moito nos artellados "por enriba", mais certo que a CG promove a confluencia. Será un paso máis na camiñata.
bla, bla, bla, bla,...anos e anos de parola...
A ver se comezades ser utiles á Galiza... até o de agora nada de nada.
Se considerades que a sociedade galega o precisa montádea dunha vez...
Mas que frente de esquerdas????
Se não sabemos nem para onde fica a esquerda, caralho!
Os da FPG a defender o território e a língua criada por ex-franquistas.
E os de Nós-UP a defender uma cousa que não se sabe bem o que é, se castelhano ou português.
Que caralho de direção, esquerda ou direita, se não sabemos como se colhe o leme????
A quenes representan? a esquerda Independentista, pero son nacionalistas?. din que non, polo menos o seu lider Ferrín. Non sei a verdade como se pode ser independentista sen ser antes Nacion. Nas xuntas de persoal, onde estan os da CGT, eses cos que iban estes independentistas o 1º de Maio son mais estatalistas que o propio estado e o seu idioma é o español. Loitando con estes señores seudo acratas pola lingua, a estas alturas. En cataluña non nos tratan así con desprecio a súa lingua. Sr. Abalo defínanse xa dunha vez. O BNG, é o único grupo nacionalista que defende a NACION. Unión dos nacionalistas para sacar ao Psoe do goberno.
Aquí há-che muito listo: assim que NÓS-Unidade Popular tem a ver com as assembleias de precários, né? E de onde tirades, o que isso defendedes, tal conclusom? Que eu saiba, o sindicato de referência de Nós-UP é a CIG. Para desgraza de alguns, por certo.Nom é o caso da F, que, por razons puramente partidaristas, criou o seu próprio sindicato. (E, digo eu, é tam diferente a linha sindical da CUT a respeito da da CIG?)
Mas, ao miolo da questom: Di o sr Abalo que na FPG nom querem guettos, que querem confluências. Que fale menos e que arrime mais o ombreiro. Tem cenários servidos em bandeja para demonstrar que quer entender-se com a esquerda real ( esquerda real porque é a que há, nom porque seja a única possível)Um deles, CausaGZ, projecto ao que já traiu várias vezes e volta a trair novamente nom mencionando-o, ou seja, silenciando-o de jeito deplorável, justo a duas semanas do Dia da Pátria (Quê casualidade, ho!!! E quê nova surpresa nos terá preparada para o dia D? Permaneçam atentos...)O outro, a oferta para confluir conjuntamente às autonómicas com outras forças políticas.
Em qualquer caso, a história está aí, há um historial bastante cumprido de intentos de confluência entre a esquerda soberanista, sempre escangalhados pola FPG, que sempre é quem viola os acordos e quem rompe a baralha quando lhe convem. O realmente incrível é ver como ISSO NUNCA SE DI, sempre a culpa é de quem lhes tende a ponte. Porquê determinadas correntes estám tam interessadas em dar bola a umha organizaçom que só fai destroir?
Respecto do comentario de 'rockandroll':
1. POis vaia, se a CIG é o sindicato de NOS-UP como se entende que para a CIG sexan eles unha 'organización ingrata'? Iso foi o que dixo a dirección do sindicato logo daquel 1ºde maio en Vigo.
2. A CUT é un sindicato moi cercano á FPG pero non é do partido. Na CIG hai xente da FPG organizada que dan batalla. Se coñeces a CIG por dentro, xa non che teño máis que dicir. A existencia desta división debes buscala no pasado onde a FPG non ten nada que ver co asunto.
3. Causa Galiza é un outro proxecto difícil de manterse porque é difícil a convivencia interna cando hai sectores contrapostos. Mira o que di o Espaço Irmandinho respecto da convocatoria de Nos-up para as eleccións. E iso que son da xente máis metida en Causa GAliza. A FPG ten tamén un traballo propio que facer (campaña nacional contra as enerxéticas, 20 aniversario e outras propostas nas que se traballan).
4. PAra analizar a confluencia da 'esquerda soberanista' hai que remontarse para saber quen formou Nos-up e quen deses segue en Nos-up. Foi a FPG culpábel de todo o que pasa nese mundo? E abofé que sabes o que pasou no seu día entre AMI e BRIGA, e o de AGIR, ou nas BDG ou a propia aparición do ESpaço Irmandinho. Afírmocho, ai non tivo nada que ver a FPG. É máis, moitos dos que estabamos por eses lares decatámonos de moitas cousas e preferimos loitar na FPG.
5. A oferta da reformulación diríxese principalmente cara sectores novos, non os xa sabidos. É imposíbel teimar tanto na unidade coa 'esquerda soberanista' que parece representar xenuinamente un só partido cando pola outra banda non existe relacións. Todo é ficitio. Mariano ABalo díxoo claro: non se pode dar saltos en falso.
6. Por último, a FPG non necesita tirar foguetes para saber que existe. Facemos un traballo moi calado o que ás veces non é positivo para o partido pero si o é para a nación galega e para a clase obreira, que a nós é quen nos importan.
Eu dixem que a CIG fosse o sindicato de NÓS-UP ou dixem que era o sindicato de referência de NÓS-UP? Dixem o segundo. Nunca afirmei que fosse NÓS-UP quem o controlasse. Também dixem que isto era para desgraza de alguns. Evidentemente, para Suso Seixo, é um grao no cu, por isso intenta aprovar papelinhos que, polos vistos, depois som incapazes de aplicar...como essa declaraçom de Non Gratos, totalmente anti-democrática e com ribetes nazis...quê será o próximo? Pôr-lhes aos militantes de NÓS-UP um triángulo amarelo?
Quais som os novos sectores da esquerda aos que te refires? E vai-nos catalizar a FPG?
Enfim, que se confirma a minha tese, em qualquer caso. Que a F nom dá um peso nem por CausaGZ, nem por qualquer cenário de unidade de acçom. Um brindes ao sol váquo, umha auto-justificaçom, isso é o que há no interlinhado desta entrevista.
Aos que din que non se fai nada, que quen fai algo é o BNG (si como as medidas aprobadas pola Xunta para mellorar a competitividade, criticadas pola CIG). O BNG NON FAI NACION, primeiro, fai rexion -unha nacion sen dereito a autodeterminacion, é dicer, a expresare como tal, é un saúdo a bandeira cara a galería-, segundo, o BNG fai "rexion" burguesa, co apoio explicito aberto e sen fisuras sobre o AVE, Gaias, planos acuicolas o as ante ditas 300 medidas, terceiro, qué é o que queremso construir, unha CiU ou un PNB, ou unha organizacion de esquerdas que defenda os dereitos dos traballadores e as traballadoras galegas, e os dereitos nacionais do pobo galego, comezando polo seu dereito a decidir.
E isto non o fai o BNG, o BNG fai como CiU ou PNB, presionar en Madrid para ter algunha migalla máis nos orzamentos... mais a situacion non muda.
Neste camiño é que temos que avanzar. O demáis, saúdos á bandeira.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto