Edición xeral
A 50km/h entre Santiago e Vigo para "salvar o tren"
A Plataforma en Defensa do Tren de Proximidade prepara unha nova mobilización en denuncia pola "falta de resposta" sobre o futuro de ferrocarril en Galiza.
Son xa máis de 10 mil sinaturas as recollidas pola Plataforma en Defensa do Tren de Proximidade en apoio das reivindicacións esgrimidas diante do Ministerio de Fomento para que non só non se supriman os escasos servizos de proximidade senón que se despreguen novas oportunidades para o tren no país. O colectivo "Salvar o tren" mobilízase así contra os plans que o goberno español leva adiante coincidindo coa chegada da alta velocidade e que implican a supresión de numerosas paradas das que o ferrocarril dispoñía.
"Unha vez desaparecidos os trens rexionais e sen existir unha alternativa a este servizo, os usuarios verémonos abocados a utilizar o automóbil", quéixase Fernando Gómez, coordinador da Plataforma. Advirten de que a estratexia favorecida polas administracións vai en favor dun sistema protagonizado polo transporte por estrada, insustentábel e causante de accidentes e colapsos de tráfico. Por este motivo, o colectivo decidiu que a próxima protesta a organizar sexa unha caravana de vehículos que viaxarán pola N-550 entre Santiago e Vigo á velocidade mínima fixada polo código de circulación nese tipo de vías, é dicir: a 50 quilómetros por hora.
A marcha transcorrerá baixo o lema "No 2012 o Tren irá por estrada". Con probabilidade, será durante a primeira semana de xullo, malia que aínda non se comunicou a data final.
Comentarios (8)
Sumarémonos no tramo entre PO e Vigo, si é a hora axeitada e convocada e apoiada pola esquerda galega realmente operante na sociedade, sindicatos e demáis asociacións sin exclusións (salvo si defenden intereses privados ou contrarios).
Lástima non conleve a nova unha ligazón co seu site.
A millora na rede local ferroviaria afectaríame ó duplicar o espacio afectado, mais, lóxicamente, entendería como ben empregada esta pexa (se fora axeitadamente ben idemnizada, pois afecta directamente a casas e leiras entre pobos).
Miro lóxico que a millora -duplicamento i electrización da vía, e planeamento de servicios- utilice os terreos xa afectados, NON que vaian machacar máis territorio -que é o que planifican sempre os políticos e técnicos do capitalismo-, como no caso do innecesario e costosísimo AVE ou novas autovías (por qué non aproveitar xa os terreos AFECTADOS pola autopista, con eles engadirlle un carril máis, e LIBERALIZALA DE XUROS)? Para qué outra autopista/autovía?).
Deixámonos andar en moi malas mans!
Abaixo o TAV, precisamos os investimentos PARA A MAIORÍA DE GALEG*S, para o 100%, non para minorías nin para madrileños nin militares!
Pois vaia, para defender o tren manifestamonos en coche, que pouca imaxinación.... e ademais cabreamos a os outros coches...vaia resultado...
E non haberá mellores opcións, mais imaxinativas:
-carreira popular a pé
-andaina
-en bici
-no propio tren con bicis
-enchendo o tren
........
Todo o meu apoio mais un chisco de imaxinación....
Creo que esta é a web da Plataforma:
http://salvaeltren.zasentodala...
Vaia: usan o galego só na publicidade....Oi! Cheira a can! (UGT?)
#3 Ou um minuto de silêncio....
Os problemas só há vontade de solucioná-los quando são um problema também para aqueles que têm na mão a solução.
Certo! non cheira moi ben, e é moi cutre na composición....
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto