Edición xeral
O goberno español endurece a súa estratexia contra os presos independentistas
Institucións Penitenciarias decreta que Ugio Caamanho non poida ser visitado pola sua compañeira sentimental namentres continúe na cadea.
O pasado 12 de marzo coñecíase a orde do ministerio español do Interior para que os centros penitenciarios suspendesen parte das comunicacións telefónicas semanais dos presos políticos, reducíndoas só ás dos familiares directos (pais, nais e compañeiro ou compañeira).
Esta semana, segundo informa o colectivo Ceivar, volveuse producir unha nova redución de dereitos e de liberdades democráticas aos que están sometidos os independentistas galegos, espallados por diferentes prisións españolas.
Institucións Penitenciarias, organismo dependente de Interior, denegoulle esta semana á compañeira sentimental de Ugio Caamanho calquera tipo de comunicación, ben mediante locutorio ben a través do vis a vis, alegando "razóns de seguranza" malia que todas as visitas son gravadas e malia que con anterioridade a dirección da prisión Puerto I, en Cadiz, autorizara as visitas.
Preso de Especial Seguimento en 1º grao
Caamanho está clasificado como preso de Especial Seguimento en 1º grao, o que implica un extremo control e vixilancia, así como a imposición de importantes restricións. Ademais, vive diariamente encerrado nun habitáculo mínimo con contadas horas de patio.
Segundo Ceivar, "trátase de utilizar Ugio Caamanho para desenvolver un proceso de exemplarización represiva dirixido á militancia independentista galega e, por extensión, a toda a cidadanía deste país".
Resposta social e xudicial
Neste senso, critican a "suposta 'reinserción' da que fala o papel mollado das leis españolas", e anuncian iniciativas "en resposta ao novo ataque contra os dereitos humanos do militante galego que dirixiremos aos ámbitos xurídico e social", así como outro tipo de medidas de apoio.
Novas relacionadas
- Lembrando os que están privados de liberdade polas súas ideas
- A Garda Civil collerá datos dos coches que leven o distintivo GZ
- O goberno español suspende as comunicacións telefónicas dos presos independentistas
- "Se sodes galegos partímosvos a cara, dicide que sodes españois"
- Ceivar denuncia agresións na cadea ao preso Santiago Vigo
- Ceivar iniciará unha campaña sobre a petición de condena “exemplarizante” a Ugio e Giana
Comentarios (7)
A mesma merda de sempre. Os espanhois só valem para dar liçons nos foros internacionais, mas à hora de aplicar o conto na casa, tururu!!!
Neste caso, o estado espanhol, perde todo o sentido da razoabilidade como estado de direito democrático.
A minha solidariedade para com os presos políticos galegos.
http://www.anosacosta.es/ agora UPD está neste xornal co grande escritor RAFAEL LEMA, visitadeaa e dado un comentario sobre este personaxe.
UPD QUE GRANDE PARTIDO, OS QUE DEFENDEMOS A LIBERDADE DOS POVOS, A LIBERDADE AO FIN AO CABO. Por favor visitade anosacosta.es
e mostrade o voso rexeitamento à UPD.
Esquecede o que dixen, lin rápido é apretemente o senor Lema non é da UPD, PERDOADE IGUALMENTE A NOSA COSTA é un xornal espanholeiro.
Unha vez máis o €$tado €$pañol amosa -lonxísimo de connotacións como o "estado de dereito"- o seu carácter fascistoide e represivo, do que algúns ainda coidan ter características de xustiza e de dereito.
Non chegan as CONDENAS XUDICIAIS nas que todo se ten en conta CONTRA O REU, ademáis, silandeiramente e as costas da población, que "non se entera", estrullan nos condenados co CÁRCERE DENTRO DO CÁRCERE, sen máis lei que a duns supostos "xuíces" penitenciarios ad hoc, cuio sentido de xustiza nada ten a ver con dereitos humanos algúns.
Na realidade todo o mundo carcerario, institucional, os mesmos carcereiros -todos o son- son un antro de INXUSTIZA e ARBITRARIEDADE que únicamente busca a DESTRUCCIÓN PERSONAL dos condenados -existen moitísimos libros ó respecto ben ilustrativos-.
Cando chegue a democracia a estas terras e a todo o mundo, TEN QUE NOTARSE MESMAMENTE NO CÁRCERE ou non será.
Democracia de esquerdas e com talante.
Tan "estado de derecho" é que para poder procesar -ELIMINAR POLÍTICAMENTE DE FACTO- a disidencia (desde cando hai democracia sin desidencia??) precisan instalar ad hoc tribunais entendidos no asunto: TOP/AUDIENCIA NACIONAL
Tipical Spanish: tan típica con FRANCO COMO CON POSFRANQUISMO BOURBÓNICO!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto