Vieiros

O goberno de Canadá retirou a Estados Unidos e a Israel dunha lista de países onde os prisioneiros corren o risco de seren torturados, logo de recibir presións de funcionarios estadounidenses e israelís.

Porén, o ministro canadense de Asuntos Exteriores afirmou que EUA e Israel foran incluídos na lista "por erro". A lista tamén incluía a Siria, China, Irán e Afganistán.

O documento orixinal mencionaba a prisión estadounidense na baía de Guantánamo (Cuba), e incluía unha lista de técnicas de interrogatorio como "obrigarlles aos prisioneiros a se espiren, illalos e privalos do sono".

Amnistía Internacional Canadá amosou a súa "decepción" ante a acción do goberno canadense. A súa secretaria xeral, Alex Neve, dixo afirmou que "cando se trata dun tema como a tortura, a principal preocupación do goberno non debería ser se avergoña os seus aliados".