The Blows inauguran o seu ano
A banda viguesa, formada por catro mozos de vinte anos, publica o seu primeiro disco, Upskirts, unha das sorpresas do ano.
The Blows soan familiares. Nas súas cancións están The Strokes, Franz Ferdinand e mesmo Mendetz ou !!! nalgún dos cortes do seu novo álbum. Tamén parecen algo xa visto na súa estética. Pero no fondo Vigo non é tan distinta a Glasgow e Galiza ten moito que ver con Escocia. Daquela, que importa? Upskirts, o primeiro álbum de The Blows, soa fresco, alegre e potente, e aquí tamén temos dereito a bailar.
Estes catro rapaces vigueses de vinte anos (Roy Basanta, Bruno Mosquera, Alex Lago e Alex Penido) foron unha das revelacións do 2007. Actuaron no Festival do Norte de Vilagarcía, e mesmo foron convidados a Paredes de Coura. En setembro actuaron no 2º Festival Cáceres Pop-Art, onde recibiron o premio ao mellor grupo powerpop do Estado. Agora aquela maqueta que levaba meses soando convértese nun álbum producido de forma axeitada e que Pupilo records distribuirá por toda España. Con cancións como Sin City Lies, Two Minutes, Damn 80´s Hooker, Disco, 107 dB, Do You Like My Boots,HUH? ou We Want You, Upskirts pode converterse nun dos álbumes que máis peguen no 2008 en todo o Estado.
O álbum está dispoñíbel dende o martes 22 e este sábado será presentado na Iguana, en Vigo. The Blows volven a casa.
Comentarios (3)
A ver se entendo:estes rapaces,galegos,graban un disco de cancións
en inglés,publicítano en castelán-'Upskirts'ya a la venta-,e vai Vieiros e dalles cobertura informativa,con opción de os escoitar e todo.
Ou andan vostedes medio estremuñados ou é cousa miña,mais algo non
me cadra.
Machiño...¿Por qué los galleguistas del calibre de telleiro son los más racistas de este país? ¿Qué más da que canten en inglés, que publiciten su cartel en galego y tengan un banner en castellano? Cuanta ignorancia..
#2 referiraste aos que van de galeguistas como Feijóo? http://br.youtube.com/watch?v=...
Teño que ouvir o novo disco, até o momento cadráronme velos 2 veces de teloneiros e parécenme uns fusiladores descarados(guitarras, voz), sobor de todo de The Strokes. Igual Vieiros non tiña outro grupo do que falar.
Nadadora, Deluxe ou Triángulo de Amor Bizarro, cantan en castelán e góstanme, a pesares do meu nacionalismo radical de estrema esquerda...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto