Edición xeral
Constitúen o Comité do Frente Amplio en Galiza
Por primeira vez en 198 anos de democracia, os uruguaios poderán votar dende os seus lugares de residencia e elixir a 3 representantes da diáspora no Plenario Nacional do partido.
Unha imaxe oficial de Tabaré Vézquez
O Plenario Nacional é o máximo órgano de dirección entre congresos do Frente Amplio uruguaio, a coalición de partidos de esquerda e centro esquerda que goberna o país, presidido por Tabaré Vázquez dende marzo de 2005.
Agora que está constituído o Comité Galego do Frente Amplio, os uruguaios que residen no noso país poderán escoller os seus representantes no partido de goberno dende aquí.
7.000 uruguaios poden votar os seus representantes
A primeira xuntanza do Comité celebrarase este domingo en Compostela, e os seus membros explicaranlles aos asistentes todos os datos relacionados coa súa curta vida e os seus obxectivos primeiros, como as vindeiras eleccións, nas que votarán uns 7.000 cidadáns uruguaios residentes no noso país, e os seus ascendentes e descendentes directos.
Dende o novo Comité tamén afirman que o seguinte paso a dar será a participación directa en todos os procesos electorais que se convoquen no Uruguai.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto