Un xulgado suspende unha oposición na que o exame de galego era eliminatorio
O Partido Popular consideraba que o requisito era “discriminatorio” e deixaba fóra moitos candidatos.
Consistorio de Carballo
O xulgado do Contencioso-administrativo número 1 da Coruña decretou a suspensión dun concurso-oposición convocado polo Concello de Carballo para a selección dun asesor urbanístico. O Partido Popular presentara un recurso contra as bases das probas alegando que o feito de que o exercicio de lingua galega fose eliminatorio supoñía discriminación.
Os populares baseáronse nun informe do secretario municipal que deixaba ver unha posíbel “desviación de poder”, ao consideraren que o sistema escollido polo goberno local pretendía discriminar uns candidatos e premiar méritos doutros. Segundo o PP de Carballo, o feito de que a proba de galego fose decisiva deixaba moitos aspirantes fóra.
O alcalde carballés, Evencio Ferrero, lembrou que as bases foran redactadas a proposta do Partido Popular e que o concello xa suspendera as probas antes do auto do xulgado.
Comentarios (12)
Como ben di o Suso de Toro: non é o galego, son os galegos. É unha vergoña que a xente aínda non se dea conta do papel antigalego do PP quen para máis recochineo ten a cara de poñer PPdeG. ¡Incribel!
É unha vergonza: como se garante, entón, o dereito da cidadanía galega a poder usar a súa propia lingua nas súas relacións coas administracións públicas? A berros e broncas fronte ao funcionariado recalcitrante? Aceptan os nosos cartos para pagarlles a fin de mes e aténdennos nunha lingua allea: siguen mexando por nós.
Totalmente de acordo com os dous comentários anteriores.
E se houbese un exame eliminatorio de castelán, ¿qué dirían?
Até quando se vam consentir estas ofensas à língua própria de Galiza (estatuto de autonomia)? Aguardo com impaciência o dia que um tribunal anule, por discriminatória, a necessidade de conhecer o galego numhas oposiçons para o ensino da nossa língua.
E as oposicions para Enxenheiro, Avogado do Estado e outras tamen tenhen proba eliminatorias de ingles, frances ou aleman, que non son nin cooficiais en Espanha.
Iso non e discriminatorio?
Por que esas si e esta non?
Son catalán de orixe galega e aquí, en Catalunya, hai moitos anos que o catalán é un requisito para acceder a calquer posto da administración da Generalitat ou dos concellos. Se non se posúe o nivel C (suficiencia) é obrigatorio aprovar un exame eliminatorio.
Non sei ata que punto ten razón o Suso de Toro cando dí que son - somos - os galegos, pois logo de tantos séculos de asimilación tamén seremos fillos da nosa historia. E ésta non se adoita parecer a toda unha nazón como Portugal, nen sequera Catalunya. Eso sí, os políticos do PP o que fan é Impaís, como diría Xavier Alcalá.
A non discriminación (art. 14 CE) por mor de lingua no Estado español significa que nos territorios españois propios de linguas distintas da castelá, estas han de poder ser usadas como se pode usar o castelán no territorio español onde el é lingua propia.
Para garantir ese dereito por parte dos poderes públicos declárase a oficialidade desas linguas. Oficialidade que implica por parte dos servidores públicos (autoridades, axentes da autoridade, funcionarios, laborais, persoal estatutario, persoal de concesionarias, persoal autónomo e de profesións liberais que desempeñe funcións públicas, etc. etc.)a obriga de saberen usar e usaren a ou as linguas oficiais a que teñan dereito de uso (art. 27 PIDCP)as persoas físicas ou naturais interlocutoras deles.
A esixencia de saber usar, e usar cando corresponda, a lingua española oficial propia do territorio é correlativa ó recoñecemento do dereito das persoas físicas a usaren esa lingua nese territorio.
En situacións de cooficialidade (oficialidade de dúas ou máis linguas) ou os servidores públicos saben usar, e usan cando toca, todos e cada un deles todas as linguas oficiais ou, caso de seren moitas, ten que haber servidores distintos para usaren distintas linguas ou grupos delas.
O que non existe é o dereito a violar os dereitos alleos en base á ignorancia ou ineptitude propias.
O problema está nos Xuices que son uns auténticos COLONIZADORES. ¿Donde "cojones" está o bilingüismo "armónico" que tanto predicaron os "fachas" do PP?.- ¡Xuices CONONIZADORES go home!
temos que auto-definirnos como o que queremos ser, efectivamnete se nom sabes galego nom desempenharás o teu trabalho ao 100%, e limitarás a quen se queira dirigir a ti. Se o inglés é obrigatorio para controladores aéreos e pilotos pq nom o galego para gemtes que atenderán a galegos?
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto