Vieiros

Nómades leva aos espectadores a percorrer por medio de imaxes o mundo dos últimos pobos nómadas. Sesenta fotografías de gran formato que recollen os costumes, a cultura e o xeito de vida destes pobos, que aínda hoxe habitan nos cinco continentes. Para explicar as súas sensacións e a visión que lle suscitaron estas formas de vida, o fotógrafo de Monforte Manuel Valcárcel achegase o martes 20 até Compostela.

A actividade está enmarcada nunha iniciativa do Servizo Educativo da Fundación Caixa Galicia, que conta cun amplo programa de actividades didácticas co obxectivo de achegar ao público de forma amena e enriquecedora a obra do artista Manuel Valcárcel. A mostra Nómades pode verse no compostelán Centro Sociocultural Caixa Galicia até o vindeiro 30 de decembro.