Vieiros

O deputado nacionalista Francisco Rodríguez valorou positivamente a consulta soberanista que anunciou este venres o lehendakari vasco. En declaracións a Europa Press, Rodríguez mostrouse convencido de que a medida "pode contribuír moito a solucionar a situación política no País Vasco”.

Porén, o parlamentario admitiu que o goberno estatal pode impedir a convocatoria dun referendo deste tipo: “Pódeo declarar ilegal porque a capacidade de convocatoria de referendos non existe no marco estatutario vixente”.

O goberno español responde: “Constitución, Constitución e Constitución”
A vicepresidenta do goberno estatal, María Teresa Fernández de la Vega, respostoulle ao lehendakari invocando a Constitución española até en tres ocasións. Asegurou que o executivo está disposto a dialogar do que sexa pero “sempre dentro do marco constitucional”.