Edición xeral
O Concello de Vilaboa podería legalizar o chalé da conselleira de Pesca
Aínda que a casa ten unha orde de derrubo dende hai seis anos por infrinxir as leis de costas, o consistorio sostén que o inmóbel está en núcleo urbano.
O futuro do chalé familiar da conselleira de Pesca en Vilaboa está pendente de que o Concello aprobe un novo Plan Xeral de Ordenación Municipal (PXOM). O goberno municipal sostén que o terreo está construído en núcleo urbano e por iso mesmo concedeu licenza para a obra no seu momento. Porén, o colectivo Salvemos Pontevedra e mesmo Greenpeace opóñense radicalmente a esta posibilidade argumentando que no seu momento a construción vulneraba a Lei de Costas vixente.
Nas próximas datas, a Consellería de Política Territorial, que ten competencias na materia, debe decidir se acepta o recurso presentado en 2000 polo marido da conselleira ou, se pola contra, executa o derrubo. Aínda que a Xunta ditou naquel ano que todas as construcións eran ilegais, algunhas fontes sinalan que hai informes que ofrecen conclusións diferentes.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto